Plantun de Prouvènço

Pèr coumpara dos planto d'encò nostre

Astragalus australis & Fraxinus excelsior

Astragalus australis

Fabaceae Leguminosae

Noms en français : Astragale du Sud, Astragale austral.

Descripcioun :
Aqueste cese-fèr de mountagno se trobo sus lis esboudèu e li roucaio. Li flour soun blanco emé uno careno vióuleto à quàsi negro. Li flour soun pourtado pèr de cambo un pau longueto e li calice soun cubert de péu negre (fotò). Vesès peréu que li fueioun soun proun espaça lis un dis autre.

Usanço :
Avèn ges d'entresigne segur sus aquelo planto. Pamens fau saupre que d'ùni cese-fèr (gènre Astragalus e Oxytropis) soun empouisounant (dounon de proublèmo néuroulougi).

Port : Erbo
Taio : 5 à 15 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Astragalus
Famiho : Fabaceae
Famiho classico : Leguminosae

Ordre : Fabales

Coulour de la flour : Blanco
Petalo : irreguliero
Ø (o loungour) enflourejado : 2 à 3 cm
Flourido : Printèms - Estiéu

Sòu : Ca
Autour basso e auto : 1800 à 2600 m
Aparado : Noun
Jun à avoust

Liò : Tepiero roucaiouso - Esboudèu - Roucaio
Estànci : Subaupen à Aupen
Couroulougi : Éurosiberiano
Ref. sc. : Astragalus australis (L.) Lam., 1779

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).